torsdag 18. mars 2010

Saftig gulrotkake

Gulrotkake:

6 egg
360 g sukker
300 g margarin
300 g kveitemjøl
2 ts bakepulver
2 ts vaniljesukker
2 ts kardemomme
2 ts kanel
1 dl nøtter
2 dl rosiner
8 dl revne gulrøter

Pisk egg og sukker til ein luftig eggedosis. Smelt maragarinen og avkjøl den litt før du blandar den i eggedosisen. Bland mjøl, bakepulver, krydder og vaniljesukker saman med rosiner og hakka nøtter. Ha det i røra saman med finrevne gulrøter. Bland alt godt saman. Spray ei form på 26 cm i diameter med formfett, og dryss eit tynt lag med mjøl rundt i forma. Ha røra i forma, og steik kaka midt i ovnen på 175 grader i ca. 45 min. Lat kaka kvile i forma før den kvelvast ut på ei rist og avkjølast heilt.

Glasur:
250 g philadelphiaost
150 g margarin
300 g melis 2 ts vaniljesukker

Rør saman margarin og litt av melisen. Tilsett philadelphiaost,vaniljesukker og resten av melisen. Pisk ostekremen godt til den får ein luftig konsistens. Legg kaka på eit fat. Smør kremen over heile kaka i eit jevnt lag.

Ingen kommentarer:

Legg inn en kommentar

Alltid koselig med ein kommentar.
Ha ein finfin dag ;)

Klem Monica